Zymberi tregon se si Rron Broja e ka refuzuar Legian e Varshavës

23:37 | 30 Nëntor 2025
D.H

Drejtori sportiv i Dritës, Valon Zymberi ka dhënë detaje se si kapiteni i Dritës, Rron Broja e ka refzuar gjigantin polak Legia Varshavë.

I ftuar në emisionin Favorit, ai ka zbuluar se si kapiteni i klubit nuk ka dashur ta lë në “lloç” skuadrën në momente të rëndësishme, shkruan Arbresh.info.

“Rroni vetë nuk ka dashtë me u tranferu te Legia e Varshavës, na jemi kon për, por ai nuk ka dashtë me u largu në mes të rrugëtimit në Evropë vjet. Legia ka dashtë me ble para play-offit vjet”, ka thënë ai.

Ai ka thënë se deri më tash i kanë fituar pothuajse gjashtë milionë euro nga Evropa këtë sezon.

Kujtojmë se pas fitores me Shkëndijen e Tetovës të enjten Drita është në rrugë të mirë të shkruaj histori dhe të kaloj në fazën e eliminimit direkt në Ligën e Konferencës./Arbresh.info